Fréttir

Í gær var myndin Fellum grímuna sýnd í 7. til 10. bekkjum en hún fjallar um þá staðreynd að ,,öll erum við mannleg, enginn er fullkominn og mjög margir glíma við vanda á borð við kvíða, meðvirkni og fullkomnunaráráttu einhvern tímann á lífsleiðinni."

Í tilefni af Degi íslenskrar tungu fluttu Skagfirski kammerkórinn ásamt 7. bekk Varmahlíðarskóla fróðleik um skáldkonuna Ólínu Jónasdóttur frá Fremri-Kotum í tali og tónum. Nemendur fluttu valda kafla úr bókum Ólínu auk þess að flytja ljóð og að endingu taka lagið með kórnum. Allir nemendur stóðu sig með einstakri prýði. Eftir þessa frábæru skemmtun bauð Skagfirski kammerkórinn upp á kaffi og meðlæti sem gladdi þá fjölmörgu gesti sem mættu enn frekar.

Í gær mættu bangsar af ýmsu tagi með eigendum sínum og eyddu gæðadegi við nám og leik.

Fjórar stúlkur úr Varmahlíðarskóla unnu undankeppni Stíls hjá fèlagsmiðstöðinni Frið sem haldin var s.l. mánudag. Sex lið tóku þàtt í ár, þar af þrjú lið héðan úr skólanum. Vinningshafarnir verða fulltrúar Friðs í Hörpu þann 28.nóvember n.k. Til hamingju Þórkatla, Álfrún Lilja, Thelma Björkog Ása Sóley.

Þrír nemendur úr skólanum stóðu sig með prýði á Íslandsmeistaramóti í glímu 15 ára og yngri, sem haldið var í Njarðvík um síðustu helgi. Guðmundur Smári hreppti 1. sæti í flokki 13 ára, en í flokki 14 ára lenti Þórir Árni í öðru sæti og Skarphéðinn Rúnar í 3. sæti.

Vinadagurinn var haldinn hátíðlegur í Árskóla fjórða sinn, miðvikudaginn 14. október. Þá hittust allir nemendur og starfsmenn grunnskólanna í Skagafirði, ásamt skólahópum úr leikskólum fjarðarins.

Á morgun fylgir Karl glímuþjálfari Lúðvíksson þremur nemendum til Njarðvíkur en þar taka þeir þátt í Meistaramóti Íslands 15 ára og yngri. Þetta eru þeir Þórir Árni og Skarphéðinn í 9. bekk og Guðmundur Smári í 8. bekk.

Í dag kl. 14:00 verður 10. bekkur með dýrindis kökubasar til fjáröflunar Danmerkurferðar í vor. Að venju er úrvalið fjölblreytt, frá gerbrauði til skrautlegra hnallþóra. Allir velunnarar skólans sem og aðrir sælkerar eru hvattir til að mæta.

Ýmislegt kemur úr ofnum heimilisfræðistofunnar. Í gær bökuðu krakkarnir í 3. bekk bollustelpu og fóru með í stofuna sína. Þar buðu þeir nemendum 4. bekk með sér, en 3. og 4. bekkir eru í samkennslu að öllu jöfnu.