Fréttir

Krakkarnir í 3. og 4. bekk hafa í haust verið að læra um tré. Í síðustu viku fórum við í göngu- og skoðunarferð um nágrennið og unnum nokkur verkefni úti. Kennaraneminn Mekkin Einarsdóttir var með í för og tók nokkrar myndir.

Allir geta verið sammála um að læsi er einn af undirstöðuþáttum menntunar. Þegar talað er um læsi er átt við alla þætti þess, þ,e, lestur, hlustun, tal og ritun. Undanfarin ár hefur verið mikil umræða um læsi og hvernig íslenskir nemendur standa sig prófum sem mæla læsi. Í framhaldi þess hafa margir bent á nauðsyn þess að marka ákveðna stefnu um læsi sem gerir menntastofnunum auðveldara um vik að samræma og framfylgja kröfum um betra læsi. Við hér í Skagafirði höfum ekki farið varhluta af þessari umræðu og núna í vetur er unnið að gerð læsistefnu fyrir alla leik- og grunnskóla í Skagafirði auk Tónlistarskóla Skagafjarðar. Skipað var í Læsisráð sem vinnur undir stjórn Sigurlaugar Brynleifsdóttur.

Fyrsta söngstundin var haldin í gær, þriðjudag. Helga Rós Indriðadóttir stýrði fjöldasöng og undirleik sá Stefán um.

Í vor tóku 4 nemendur úr Varmahlíðarskóla þátt í Nýsköpunarkeppni grunnskólanna. Þeir Jón Hjálmar og Svend Emil unnu til bronsverðlauna í flokki 6. bekkinga með plastþjöppunni sinni. Í dag halda þeir félagar af stað til Vestmannaeyja til að skoða Fablab smiðjuna þar. Þar munu verðalunahafarnir dvelja í tvo daga.

Aðalfundur foreldrafélags Varmahlíðarskóla verður haldinn þriðjudagskvöldið 6.október kl. 20 í matsal Varmahlíðarskóla. Dagskrá fundar eru venjuleg aðalfundarstörf. Vonumst til að sjá sem flesta. Kaffi á könnunni.

Mánudaga kl. 15:00 - 16:00 Þriðjudaga kl. 14:00 - 15:00 Fimmtudaga kl. 14:00 - 16:00

Á morgun föstudag er ekkert skólahald vegna haustþings kennara. Skólaliðar og stuðningsfulltrúar verða þó á staðnum en matráðar fara í kynnisferð til Akureyrar.

Þriðjudaginn 29.september sl. lögðu 15 nemendur úr 9. og 10.bekk Varmahlíðarskóla ásamt kennara og heiðursgesti, Helga Fannari Gestssyni, upp í heimsókn til Hvanneyrar. Var heimsóknin hugsuð sem lokapunktur á valnámskeiði sem boðið var uppá s.l. vetur og nefndist Landbúnaðarval I og II. Skemmst er frá að segja að móttökurnar á Hvanneyri voru hinar bestu og ferðin hin fróðlegasta fyrir alla.

Á mánudaginn var Norræna skólahlaupið haldið í Varmahlíðarskóla. Vel viðraði til útiveru og tóku nær allir þátt, bæði nemendur og starfsfólk