Fréttir

Kók í gleri og Mars-súkkulaði léku aðalhlutverk í féló s.l. fimmtudag þegar nemendur í 7. - 10. stunduðu kappát sín á milli.

Generalprufa á leikritinu Allt í plati gekk afar vel í dag. Eftir að sólmyrkvi var yfirstaðinn hófst sýningin. En eins og vant er horfðu allir nemendur og starfsmenn á sýninguna, ásamt eldri deildarkrökkum og starfsfólki á leikskólanum.

Árshátíð 1. - 6. bekk verður haldin á laugardaginn n.k. en það er leikritið Allt í plati eftir Þröst Guðbjartsson. Leikstjóri er Helga Rós Sigfúsdóttir.

Eins og flestir vita verður á morgun, föstudag, mesti sólmyrkvi sem sést hefur á Íslandi í 61 ár. Í Varmahlíðarskóla munu allir nemendur og starfsmenn bregða sér út og berja þennan merkisviðburð augum - þó ekki með berum augum.

Í gær fylgdu nemendur 8. - 10. bekkjar keppendum Varmahlíðarskóla í Skólahreysti á Akureyri, en lið skólans lenti í þriðja sæti á eftir Dalvíkingum og Króksurum.

S.l. þriðjudag var Stóra upplestrarkeppnin haldin í sal bóknámshússins í FNV og kepptu efstu þrír nemendur hvers skóla í Skagafirði. Það var hún Jódís Helga Káradóttir sem bar sigur úr bítum, en ítarlegri grein birtist á síðu Sveitafélagsins Skagafjarðar.

Á morgun, 11. mars, verður Skólahreysti haldin á Akureyri og fylgja nemendur 8. - 10. bekkjar sínu liði. Lagt verður af stað frá skólanum um 8:30 í fyrramálið og komið aftur heim í Varmahlíð kl. 18:40.

Ýmislegt er brallað í félagsmálum í Varmahlíðarskóla. Fimmtudaginn 26.febrúar var haldin kökubaksturskeppni á milli bekkja þar sem hver bekkur tefldi fram einu keppnisliði.

Stóra Upplestrarkeppnin verður haldin þriðjudaginn 10. mars kl. 17 í sal bóknámshúss Fjölbrautaskóla Norðurlands vestra. Þá keppa allir vinningshafar keppninnar úr öllum skólum í Skagafirði. Fyrir hönd Varmahlíðarskóla keppa Jódís Helga, Lilja Margrét og Sindri Hólm en María Sigríður er til vara. Við hvetjum alla sem kunna að meta vel æfðan lestur sagna og ljóða að mæta og styðja okkar fólk.

Á fimmtudagskvöldið kl. 20:00 halda nemendur í 10. bekk bingó í Varmahlíðarskóla. Allir gallharðir bingóunnendur eru hvattir til að mæta og styðja 10. bekkinga í fjárölfun þeirra fyrir Danmerkurferðina.