Fréttir

Eftir tveggja daga óveður og ófærð mættu flestir nemendur og starfsfólk í skólann, þótt ófært hafi verið af stöku bæjum. Í dag stóð til að nemendur fengju afhentan vitnisburð en það mun frestast fram á mánudag n.k. Einnig seinkar kosningu á sigurvegurum í hinni árlegu piparkökuhúsakeppni sem til stóð að yrði á mánudaginn, yfir á miðvikudaginn. Á fimmtudaginn 18. desember verða niðurstöður kosningar á piparkökuhúsi tilkynntar í söngstund kl. 12:40.

Skólahaldi hefur verið aflýst og íþróttamiðstöðin lokuð í dag vegna veðurs. Nemendur og starfsfólk mættu flestir í morgun en um klukkan 9 var sú ákvörðun tekin að senda alla heim.

Á morgun, þriðjudag, er rauður dagur í skólanum. Það á bæði við fatnað - rauð föt, jólahúfur, jólapeysur, jólasokka - og jólakortagerð í tímum hjá umsjónarkennurum bekkjanna. Nemendur eru hvattir til að koma með jólakortagerðarefni, s.s. límstifti, glimmer, gömul jólakort ofl. Í næstu viku verður svo margt jólalegt um að vera.

Á föstudaginn er starfsdagur í skólanum og því allir nemendur í fríi. Um kvöldið halda nemendur 10. bekk bingó kl. 20:00 í skólanum. Nóg er af spjöldum þannig að enginn þarf að óttast að þau klárist.

Í upphafi viku hefur lús gert vart við sig í skólanum. Afar mikilvægt er að bregðast við á réttan hátt, þ.e. kemba og leita, jafnvel þó ekki beri á neinum einkennum því í tveim af þremur tilfella finnur sá smitaði engin einkenni.

Laugardaginn 22.nóvember kl. 13-15 verður Foreldrafélag Varmahlíðarskóla með föndur og gleði um allan skóla. 10.bekkur verða með vöfflu og kaffisölu í matsalnum. Allir velkomnir!