Fréttir

Skólinn verður settur kl. 16, miðvikudaginn 27. ágúst. Eftir athöfn verður boðið upp á kaffiveitingar. Umsjónarkennarar munu afhenda stundaskrár í heimastofum nemenda.

Nú er komið að því að skólastarf hefjist í Varmahlíðarskóla skólaáríð 2014 til 2015. Skólinn verður settur samkvæmt venju utan dyra sunnan megin við Varmahlíðarskóla, miðvikudaginn 27. ágúst nk. Kennsla hefst samkvæmt stundaskrá fimmtudaginn 28. ágúst. Skrifstofan er opin alla daga og stjórnendur, ritari og húsvörður hófu störf 5. ágúst sl. Kennarar og annað starfsfólk hefur störf 18. ágúst.

Vorskýrsla Varmahlíðarskóla skólaárið 2013-2014 er nú aðgengileg á heimasíðunni í aðalvali sem VORSKÝRSLUR. Hér er einnig hægt að skoða skýrsluna, lesið meira... Ný jafnréttisáætlun hefur einnig litið dagsins ljós. Lesið meira...

Betra er seint en aldrei, hér eru myndir frá reiðnámskeiði 9. bekkinga á Hólum í vetur.

Í vetur hefur lestrarhesturinn verið á ferðinni í skólanum og heimsótt flesta bekki tvisvar og stoppað viku í senn. Á meðan hafa nemendur bekkjarins lesið eins og þeim sé borgað fyrir og reynt að koma hestinum sem lengst áleiðis því hann hefur ferðast einn kílómetra fyrir hverjar 50 lesnar blaðsíður og markmiðið hefur verið að koma honum í kringum landið. Hugmyndin er að merkja ferðir hans á sérhannað landakort sem hangir niðri í anddyri. Þess má geta að lestrarhesturinn er hannaður og smíðaður af Sveini Brynjari Friðrikssyni, smíðakennara.

Bókasafnið verður opið eftirtalda miðvikudaga í sumar kl. 16:00 - 18:00: 11. júní 25. júní 9. júlí 23. júlí 6. ágúst.

Skólanum var slitið við hátíðlega athöfn í Miðgarði sl. miðvikudagskvöld. Nemendur sem kvöddu skólann eftir 10 ára skyldunám voru 14 og héldu fulltrúar nemenda Ásdís og Hrafnhildur kveðjuræðu fyrir hönd hópsins. Fjöldi viðurkenninga var veittur og Ásdís Sigurjónsdóttir, fyrrverandi kennari við skólann var kvödd með virktum af samstarfsfólki. Foreldrafélagið færði nemendum skólans að gjöf kr. 100.000 sem á að ganga upp í tölvukaup. Myndir frá athöfninni verða birtar hér og á fésbókarsíðu skólans.