Fréttir

Nú er komið að því! Á morgun kl. 14:00 verður Varmahlíðarskóli settur. Skólasetning verður í íþróttahúsinu en þar á eftir fara nemendur með umsjónarkennurum sínum í sínar stofur og fá afhentar stundaskrár. Að lokum verður boðið upp á kaffi niðri í setustofu.

Það styttist í skólasetningu og margir byrjaðir að undirbúa sig fyrir komandi skólaár. Gátlistar sem oft kallast innkaupalistar vegna skólabyrjunar 2016 eru nú birtir. Sem fyrr hvetjum við alla til að kanna hvað er til af skóladóti sem hægt er að nota aftur áður en haldið er út í búð til að kaupa nýtt skóladót. Skólinn verður settur miðvikudaginn 24. ágúst kl. 14:00.

Nú stendur yfir innritun nemenda í 1. bekk skólaárið 2016-2017 (börn fædd 2010). Skráning fer fram hjá skólaritara Varmahlíðarskóla.

Bókasafnið verður opið eftirtalda miðvikudaga í sumar kl. 16:00 – 18:00. 15. júní 29. júní 13. júlí 27. júlí 10. ágúst

Sundlaugin í Varmahlíð verður lokuð til kl. 16:00, mánudaginn 6. júní, vegna skyndihjálparnámskeiðs starfsfólks.

Skólaslit Varmahlíðarskóla verða haldin hátíðleg í Miðgarði, þriðjudagskvöldið 31. maí kl. 20:00. Kaffiveitingar að lokinni athöfn í Varmahlíðarskóla.

Í tilefni af 40 ára afmæli Varmahlíðarskóla á núverandi skólaári ætlum við að gera okkur glaðan dag. Það verður opið hús í skólanum fimmtudaginn 26. maí frá kl. 15:00 til 18:00. Kl. 16:30 er hátíðarsamkoma í íþróttamiðstöð og danssýning nemenda.

Í gær lögðu nemendur 10. bekkjar upp í langþráð ferðalag til Kaupmannahafnar, en þau hafa safnað fyrir ferðinni í allan vetur á ýmsan máta. Áætluð heimkoma er seinnipartinn á föstudag.

Fjórir nemendur í Varmahlíðarskóla voru valdir úr fjölmennum hópi grunnskólanema til að fara á vinnustofu Nýsköpunarkeppninar. Í ár bárust keppninni 1750 hugmyndir að nýsköpun og áttu okkar fólk þrjár þeirra, en þau eru Lilja Diljá og Flóra í 5. bekk og Óskar Aron og Indriði Ægir í 6. bekk. Hér að neðan er hægt að sjá síðu NKG um keppnina, þær hugmyndir sem komust í úrslit og þá nemendur sem að þeim standa.