Fréttir

Sundlaugin í Varmahlíð verður lokuð föstudaginn 20. okt. vegna haustleyfa Varmahlíðarskóla.

Föstudaginn 6. október er frí hjá nemendum vegna haustþings kennara og fræðsludags starfsfólks.

Sundlaugin í Varmahlíð verður lokuð föstudaginn 6. okt. vegna sundprófs og námskeiða starfsfólks.

Undanfarin tvö ár hefur verið unnið að gerð Lestrarstefnu Skagafjarðar. Starfsfólk skólanna tók þátt í gerð stefnunnar en svokallað læsisteymi, sem í sátu fulltrúar leik-, grunn- og tónlistarskóla, hélt utan um vinnuna undir stjórn Sigurlaugar Rúnar Brynleifsdóttur, deildarstjóra við Grunnskólann austan Vatna.

Kosið var í nemendaráð Varmahlíðarskóla í dag. Nemendur í 7.-9. bekk héldu framboðsræður fyrir sína bekki en formannskjör fór fram í setustofu þar sem frambjóðendur 10. bekkjar fluttu sitt framboð fyrir alla nemendur í 7.-10. bekk. Nýir formenn nemendaráðs eru Guðmundur Smári og Jódís Helga. Nemendaráð skólaársins 2017-2018 er eftirfarandi:

Kynningarfundir fyrir foreldra og forsjáraðila um skólastarfið verða stigskiptir (yngsta, mið- og unglingastig). Fundirnir verða haldnir á miðvikudögum kl. 15:00. Þeir hefjast í setustofu en síðan fara umsjónarkennarar með sína hópa í heimastofu þar sem þeir kynna vetrarstarfið. Gert er ráð fyrir að fundirnir taki um klukkustund. Dagskrá funda er sem hér segir: Miðvikudagur 20. sept., yngsta stig (1.-4. bekkur). Miðvikudagur 27. sept. unglingastig (8.-10. bekkur). Miðvikudagur 4. okt. miðstig (5.-7. bekkur).

Bókasafn Varmahlíðarskóla er opið almenningi á fimmtudögum kl. 14:00 – 16:00. Allir eru velkomnir.

Í morgun fengu unglingar í 8.-10. bekk kynningarfund um valgreinar sem verða í boði á skólaárinu. Frekari upplýsingar má sjá í valgreinahefti á heimasíðu.

Vegna hreinsunar verður sundlaug Varmahlíðar lokuð frá miðvikudegi 23. ágúst til og með sunnudegi 27. ágúst. Vetraropnun hefst síðan mánudaginn 28. ágúst og þá er opið mánudaga til fimmtudaga kl. 09:00-21:00, föstudaga kl. 09:00-14:00 og á laugardögum og sunnudögum kl. 10:00-15:00. Frá 1. október verður sundlaugin lokuð á sunnudögum.

Kæru nemendur og foreldrar, nú styttist í skólabyrjun. Vonandi hafa allir notið sumarleyfisins og mæta hressir til starfa í haust. Varmahlíðarskóli verður settur miðvikudaginn 23. ágúst kl. 14:00. Við hlökkum til að sjá ykkur. Starfsfólk Varmahlíðarskóla.