Fréttir

Nemendur í 9. bekk Varmahlíðarskóla fóru í byrjun október 2017 í heila viku í Ungmenna- og tómstundabúðirnar á Laugum í Sælingsdal. Það var í fyrsta skipti sem nemendur skólans tóku þátt en stefnt er að því næstu skólaárin að nemendum í 9. bekk gefist kostur á þátttöku.

Samráðsdagur er í Varmahlíðarskóla miðvikudaginn 7. febrúar, en þá mæta nemendur ásamt forsjáraðila til samstals við umsjónarkennara. Nú hefur verið opnað fyrir skráningu í viðtölinm foreldrar fara inn í Mentor og panta viðtal hjá umsjónarkennara síns barns. Skráning verður opin til sunnudagsins 4. febrúar, þeir sem ekki panta viðtal, fá úthlutað viðtalstíma eftir það. Á samráðsdegi verður í boði að fara í tölvustofu og fá einstaklingsleiðsögn í Mentor eða rafrænu námsumhverfi nemenda. Endilega nýtið ykkur það eftir þörfum. Á samráðsdegi verða nemendur í 9. bekk með vöfflusölu í setustofu.

Tvær skíðaferðir eru fyrirhugaðar með alla bekkjarhópa skólans. Nú á fimmtudaginn stefna 1., 2., 5., 6. og 7. bekkir upp í fjall. Ráðgert er að nemendur í 3., 4., 8., 9. og 10. bekk fari viku síðar, fimmtudaginn 8. febrúar. Til stóð að þessir bekkir færu á morgun en vegna óhagstæðrar veðurspá, hefur ferðinni verið seinkað um viku.

Nýverið fór fram úthlutun styrkja frá Forriturum framtíðarinnar og hlaut Varmahlíðarskóli veglegan styrk. Tilgangur sjóðsins, Forritarar framtíðarinnar, er að efla tækni- og forritunarkennslu í grunn- og framhaldsskólum landsins. Sjóðnum bárust alls 32 umsóknir að þessu sinni, flestar frá grunnskólum. Styrkir sjóðsins eru í formi tölvubúnaðar og fjárstyrks til þjálfunar kennara til að búa þá betur undir forritunarkennslu fyrir nemendur.

Unglingar í 7.-10. bekk í Varmahlíðarskóla sýna söngleikinn Hársprey í Miðgarði, fimmtudaginn 11. janúar kl. 17:00 og föstudaginn 12. janúar kl. 20:00. Allir velkomnir og athugið, aðeins þessar tvær sýningar. Eftir sýningu fimmtudagsins er boðið upp á veislukaffi í Varmahlíðarskóla, eins og hefð hefur verið fyrir en að lokinni sýningu föstudagsins verður unglingaball fyrir 7.-10. bekk í Miðgarði þar sem meðlimir úr Hljómsveit kvöldsins sjá um að halda uppi fjörinu. Á föstudegi verður frístundastrætó, skráning í Nóra https://skagafjordur.felog.is/

Við sendum nemendum, fjölskyldum þeirra og íbúum í nærsamfélagi skólans bestu óskir um gleðilegt nýtt og farsæld á nýju ári. Þökkum fyrir ánægjuleg samskipti og samvinnu á liðnu ári. Krakkar við sjáumst hress og kát í skólanum miðvikudaginn 3. janúar skv. stundaskrá. Fyrstu daga janúarmánaðar setja unglingarnir kraft í árshátíðarundirbúning en söngleikurinn Hársprey verður sýndur 11. og 12. janúar.

Nú rétt í þessu lauk litlu-jólum skólans. Allar rútur er farnar heim með prúðbúna nemendur sem hlýddu á jólaguðspjallið og skólakórinn, dönsuðu í kringum jólatréð og héldu svo stofujól með bekkjarsystkinum sínum. Hátíðarmaturinn rann ljúflega ofan í nemendur og starfsfólk, en að vanda var hangikjöt með öllu tilheyrandi. Nokkrar myndir voru teknar í dag, sem sjást að neðan, ásamt öðrum myndum á aðventu.

Í dag verður aðventugleði og jólaföndur í Varmahlíðarskóla í umsjón foreldrafélagsins. Herlegheitin hefjast strax að loknum skóladegi kl. 14:55 og stendur til kl. 17:00. Nemendur i 9. bekk verða með vöfflur og kaffi/súkkulaði. Við hvetjum alla foreldra og nemenda að líta upp úr aðventustressinu og kíkja í Varmahlíðarskóla í samveru og föndur.