Fréttir

Á sjálfum bókadegi á miðvikudag vorum við svo lánsöm að fá höfund í heimsókn. Hinn vinsæli barnabókahöfundur Gunnar Helgason kom og las fyrir nemendur úr nýrri bók sinni Siggi sítróna. Sú bók er lokabókin í seríu sem hófst með Mamma klikk! Upplesturinn var hreint stórkostlegur og leikræn tilþrif fangaði óskerta athygli yngri sem eldri áheyrenda. Gunnar gaf sér góðan tíma til að spjalla við krakkana að loknum lestri og skrifa allmargar eiginhandaráritanir. Vonir okkar eru að upplesturinn verði hvatning til meiri lestrar og sé einhver sem ekki þekkir bækurnar hans Gunnars Helgasonar að þá er kominn tími á að taka sér bók í hönd.

Aðalfundur foreldrafélags Varmahlíðarskóla verður haldinn miðvikudaginn 21. nóvember kl. 20:30 í matsal skólans. Á dagskrá eru hefðbundin aðalfundarstörf, farið verður yfir starf félagsins síðasta skólaár og áform félagsins á núverandi skólaári. Í tilkynningu frá stjórn foreldrafélagsins eru allir foreldrar og forsjáraðilar hvattir til að mæta. Heitt á könnunni.

Á fimmtudaginn verður hátíð af tilefni 100 ára afmælis Fullveldis Íslands hér í skólanum. Hátíðin er öllum opin og er haldin til þess að fagna því að um þessar mundir eru 100 ár liðin frá því að fullveldi fékkst. Það eru nemendur Varmahlíðarskóla og Grunnskólans Austan vatna sem vinna að hátíðinni í sameiningu og hvor í sínu lagi. Hluti dagskrárinnar er málþing en þar flytja fulltrúar hugleiðingar um ofangreind hugtök og velta einnig fyrir sér framtíðarhorfum. Húsið opnar kl. 13:00 á fimmtudeginum og þá geta gestir komið og gengið um skólann, séð verk af ýmsum toga, hlýtt á málþing kl. 13:30 - 14:10 og fengið sér hressingu. Þátttakendur hátíðarinnar eru Varmahlíðarskóli, Grunnskólinn Austan vatna, eldri borgarar og góðir gestir.

Vinaliðaverkefnið fékk í vikunni hvatningarverðlaun mennta- og menningarmálaráðuneytisins sem afhent voru 8. nóvember 2018 á degi gegn einelti. Í Varmahlíðarskóla starfa Vinaliðar og stuðla með sinni þátttöku að aukinni virkni nemenda í frímínútum, góðum samskiptum og jákvæðum skólabrag.

Föstudaginn n.k. verða nemendur 10. bekkjar með kökubasar í Olís í Varmahlíð (áður Kaupfélag Skagfirðinga) kl. 13:30 - 15:30, eða þar til birgðir endast. Ágóðinn rennur í ferðasjóð 10. bekkjar, en að venju stefna nemendur í útskriftaferð til Danmerkur í vor. Við hvetjum fólk til að mæta og nýta sér ljúffengan heimabakstur, bæði fínan og hversdags.

Árshátíð yngra stigs verður haldin í Miðgarði, fimmtudaginn 1. nóvember kl. 16:30. Nemendur 1.-5. bekkjar leika valda búta úr ævintýrum Thorbjørns Egner. Leikstjórn er í höndum umsjónarkennara. Það eru allir velkomnir á árshátíð!

Opnunartími í sundlaug Varmahlíðar hefur verið lengdur tímabundið. Opið er mánudaga til fimmtudaga kl. 8:00-21:00, föstudaga kl. 8:00-17:00 og um helgar er opið kl. 10:00-15:00. Sérstaklega viljum við vekja athygli á því að nú er opið bæði laugardaga og sunnudaga.

Sundlaugin í Varmahlíð hefur verið opnuð aftur eftir tímabundna lokun. Opið er í báðar laugarnar og heita pottinn en nýja rennibrautin er ekki alveg tilbúin og verður opnuð síðar. Vetraropnun er eftirfarandi:

Á samráðsdegi skólans n.k. fimmtudag bjóða nemendur í 9. bekk upp á vöflur og kaffi á kr. 500. Ágóðinn rennur í ferðasjóð þeirra en vikuna 8. - 12. október dvelja þau að Laugum í Sælingsdal í ungmennabúðum á vegum UMSS. Við hvetjum foreldra, nemendur og starfsfólk til að njóta góðra veitinga hjá krökkunum í 9. bekk.