Fréttir

Litlu jólin eru haldin hátíðleg í Varmahlíðarskóla í dag, 19. desember. Sérstaklega þykir okkur notaleg samvera nemenda og starfsfólks við jólatréð þar sem við syngjum og dönsum, hlýðum á tónlistaratriði og helgileik 4. bekkjar. Einnig eru hefðbundin stofujól í umsjónarbekkjum og hátíðarmatur í hádeginu. Að loknum jólaknúsum og kveðjum halda glaðbeittir nemendur í jólaleyfi. Starfsfólk Varmahlíðarskóla sendir ykkur öllum hugheilar jólakveðjur með ósk um gleði og farsæld á komandi ári. Við þökkum fyrir ánægjuleg samskipti á árinu sem er að líða og hlökkum til frekara samstarfs og samveru á nýju ári. Kennsla hefst aftur samkvæmt stundaskrá föstudaginn 3. janúar 2020.

Að beiðni Tónlistarskóla Skagafjarðar viljum við minna á jólatónleika í Miðgarði, Varmahlíð, miðvikudaginn 18. desember kl. 16:30 og 18:00. Allir velkomnir.

ATHUGIÐ ATHUGIÐ! Skólahaldi Varmahlíðarskóla aflýst í dag, fimmtudaginn 12. desember vegna ófærðar. Það gengur seinlega gengur að ryðja vegi og heimreiðar eru víðast hvar ófærar.

Jólabingó 10. bekkjar, sem vera átti í dag, færist yfir á n.k. mánudag kl. 17:00. Spennand vinningar í boði!

UPPFÆRT: Skólahaldi seinkar enn frekar því seinlega gengur að ryðja vegi. Áætlað að skólahald hefjist kl. 12:00. Enn eru áform um að skólabílar aki. Gert er ráð fyrir að skólahaldi seinki um tvær klukkustundir vegna ófærðar. Skólaakstur er áætlaður tveimur tímum seinna en venjulega.

Vegna veðurs er öllu skólastarfi Varmahlíðarskóla aflýst á morgun, miðvikudaginn 11. desember.

Vegna slæmrar veðurspár og viðvarana fellur skólahald niður á morgun, þriðjudaginn 10. desember.

Hið árlega jólabingó 10. bekkjar Varmahlíðarskóla verður í matsal skólans, fimmtudaginn 12. desember kl. 17:00. Flottir vinningar að vanda! Allir velkomnir.