Fréttir

Miðvikudaginn 15.janúar fóru nemendur í 1.-.3. bekk í leikskólaheimsókn á Reyniland og Birkilund. Á leiðinni mættu nemendum snjóskaflar, vörubílar, snjóruðningstæki og ýmislegt fleira skemmtilegt. Farið var varlega og gekk ferðin að óskum. Allir léku sér saman og eignuðust margir nýja vini og fóru glöð og sæl aftur í skólann

Unglingarnir í 7.-10. bekk Varmahlíðarskóla sýna söngleikinn "Slappaðu af!" eftir Felix Bergsson næstkomandi föstudag og laugardag. Leikstjórar eru þau Íris Olga Lúðvíksdóttir og Trostan Agnarsson. Þrátt fyrir rysjótta tíð hafa nemendur haldið ótrauð áfram að æfa leik og söng og innlifun í litskrúðuga karaktera. Ekki láta þessa stórkostlegu sýningu framhjá þér fara!

Skólahaldi Varmahlíðarskóla og Tónlistarskóla Skagafjarðar hefur verið aflýst á morgun, þriðjudaginn 14. janúar, vegna veðurs og appelsínugulrar viðvörunar Veðurstofu.

Vegna veðurs og röskunar á skólastarfi er fyrirhugaðri árshátíðarsýningu fimmtudagsins frestað. Vonandi verður mögulegt að sýna söngleikinn "Slappaðu af!" á föstudagskvöldið kl. 19:00 og halda unglingaballið svo fremi sem veður/ófærð setur æfingar ekki meira úr skorðum. Í athugun er ný tímasetning fyrir sýningu og kaffi í skóla (í stað fimmtudagssýningar). Nánar auglýst síðar.

Vegna versnandi veðurspár og viðvarana veðurstofu verður ekki kennsla í Varmahlíðarskóla eftir kl. 10:35 í dag, mánudaginn 13. janúar. Skólabílar aka börnum heim.

í gær þrammaði skólahópur leikskólans í heimsókn til 1.-3.bekkjar þrátt fyrir erfiða snjófærð milli staða. Krakkarnir fóru í ýmsa leiki, tóku spil og höfðu gaman saman. Heimsóknin er enda liður í samstarfsverkefninu Gaman saman.

Skólahald fellur niður á morgun, miðvikudaginn 8. janúar, vegna veðurs og slæmrar veðurspár.