Fréttir

Sundlaug Varmahlíðar verður lokuð í næstu viku vegna hreinsunar, lokað frá mánudegi 14. október og áætlað að opna aftur laugardaginn 19. okt.

Við vekjum athygli á breyttri tímasetningu árshátíðar yngri nemenda (1.-6. bekkur). Hún verður haldin miðvikudaginn 6. nóvember kl. 17:00 í Miðgarði en ekki í lok október eins og til stóð.

Í dag var kosið í nemendaráð Varmahlíðarskóla fyrir núverandi skólaár. Nemendur í 7.-9. bekk héldu framboðsræður fyrir sína bekki en formannskjör fór fram sérstaklega þar sem frambjóðendur 10. bekkjar fluttu framboðsræður fyrir alla nemendur í 6.-10. bekk áður en gengið var til kosninga. Frambjóðendur stóðu sig afskaplega vel, ræður voru málefnalegar og jákvætt að sjá unga fólkið áhugasamt um að vinna í þágu heildarinnar.

Kynningarfundir fyrir foreldra/forsjáraðila um skólastarfið eru fastur liður að hausti. Fundirnir voru að þessu sinni þrískiptir og haldnir 5. og 11. september. Fundirnir eru mikilvægir til að ræða fyrirkomulag námsins, uppbyggingu skólaársins og fleira. Það styður einnig vel við farsæla skólabyrjun að hausti að foreldrahópar hittist til að ræða ýmis praktísk mál. Sjá má áhersluatriði fundanna á eftirfarandi glærukynningum. Ef eitthvað er óljóst eða ef einhverjar spurningar vakna er foreldrum bent á að hafa samband við umsjónarkennara.

Blásið verður til Grettissunds næstkomandi fimmtudag (29. ágúst) kl. 15:30 í tilefni af 80 ára afmæli sundlaugarinnar í Varmahíð. Grettissund er 500 metra sund með frjálsri aðferð, opið öllum Skagfirðingum búsettum í Skagafirði. Sundið er fyrir fólk á öllum aldri, synt í kvenna- og karlaflokki.

Fimmtudaginn 29. ágúst kl. 14:00-15:30 verður haldið upp á 80 ára vígsluafmæli sundlaugarinnar í Varmahlíð. Nemendur Varmahlíðarskóla eru þátttakendur í afmælishátíðinni og hafa síðustu daga komið að undirbúningi. Boðið verður upp á skemmtun fyrir augu og eyru. Einnig verða kaffiveitingar. Í framhaldi af afmælinu verður keppt í Grettissundi (500 metra sund með frjálsri aðferð).

Frá og með mánudeginum 26. ágúst verður opnunartími sundlaugarinnar í Varmahlíð skv. vetraropnun, sem er eftirfarandi:

Skólasetning og fyrsti skóladagur Varmahlíðarskóla verður föstudaginn 23. ágúst kl. 9:00. Nemendur mæta í setustofu kl. 9:00 þar sem skóli verður settur og síðan tekur við skóladagur til kl. 12:00. Foreldrum er frjálst að fylgja sínum börnum ef þeir kjósa en skólabílar aka. Nemendum 1. bekkjar verður boðið til viðtals, ásamt foreldri/forsjáraðila, eftir hádegi á fimmtudag. Frístund, skóladagvistun barna í 1.-4. bekk, opnar frá og með mánudeginum 26. ágúst. Við minnum á skráningu í frístund.

Síðasta vor var tekin ákvörðun um að opna frístund eða heilsdagsvistun við Varmahlíðarskóla, fyrir nemendur 1.-4. bekkjar. Frístund opnar strax í skólabyrjun og verður starfrækt frá skólalokum til hálffimm á daginn og stendur börnum einnig til boða á starfs- og foreldraviðtalsdögum skólans.

Skólastarf skólaársins 2019-2020 hefst formlega með fræðsludegi skólanna í Skagafirði þann 15. ágúst kl. 9:00 í Miðgarði. Skólasetning og fyrsti skóladagur verður föstudaginn 23. ágúst.