Fréttir

Nemendur í 10. bekk skólans verða með kökubasar í KS Varmahlíð föstudaginn 11. október kl. 13:30. Ýmis konar góðgæti með kaffinu. Allir velkomnir!

Varmahlíðarskóli tekur þátt í árvekniátaki Krabbameinsfélagsin með því að hafa bleikan dag á föstudaginn kemur, en bleikur er baráttulitur októbermánaðar. Við hvetjum starfsfólk og nemendur að sýna samstöðu, klæðast bleiku og hafa bleikt í fyrirrúmi. Njótum dagsins saman og vekjum um leið athygli á árvekniátaki Bleiku slaufunnar og baráttunni gegn krabbameini hjá konum.

Fyrsti samráðsdagur vetrarins er á morgun, miðvikudaginn 9. nóvember 2013. Forráðamenn ásamt börnum sínum mæta til umsjónarkennara og ræða líðan og frammistöðu sinna barna í leik og starfi. Ef þurfa þykir þá verða sérgreinakennarar, annað starfsfólk og skólastjórnendur líka til viðtals á samráðsdegi. Forráðamenn fara þá á skrifstofu skólans og spyrja eftir viðkomandi starfsmanni.

Nemendur í 9. og 10. bekk fengu góða gesti í morgun. Bjarni Fritzson er afreksmaður í handbolta og meistaranemi í sálfræði. Bjarni fer um landið ásamt Kristínu Tómasdóttur, rithöfundi og sálfræðingi og heldur fyrirlestra fyrir drengi um mikilvægi góðrar sjálfsmyndar í lífinu. Meðal annars ræddi hann um misvísandi skilaboð í umhverfinu varðandi til hvers er ætlast af drengjum og mönnum í dag. Strákarnir í 9. og 10. bekk hlustuðu andaktugir á fyrirlestur Bjarna og sköpuðust góðar umræður um efnið. Sjá fleiri myndir ef smellt er á texta hér neðar í greininni.

Haldið föstudaginn 20. september. Ágætis veður og góðir sprettir. Svamlað í sundi á eftir. Sjá skemmtilegar myndir hér á síðunni sem og á fésbókasíðu skólans.