Fréttir

Óskum stuðningsfulltrúa eða starfsmanni í skóla með stuðningi í tímabundið starf.

Á morgun, mánudaginn 7. febrúar, verður ekki skólahald í Varmahlíðarskóla vegna veðurs og líka lokuð frístund. Veðurútlit er mjög slæmt og appelsínugul viðvörun í gildi fyrir okkar svæði. Aðgerðastjórn almannavarna á Norðulandi vestra hvetur fólk til að halda sig sem mest heima á meðan veður gengur yfir eins og sjá má í tilkynningu frá Aðgerðarstjórn almannavarna á facebook síðu lögreglunnar á Norðurlandi vestra.

Búa til fána í snjónum.

Nú eru fundargerðir nemendaráðs orðnar aðgengilegar á heimasíðu skólans en á síðasta fundi var ákvörðun þess efnis tekin.

Við sendum nemendum, foreldrum og öðrum velunnurum okkar bestu óskir um gleðileg jól og góðar samverustundir um hátíðarnar. Vonandi slæðast spennandi bækur með í jólapakka, bæði til barna og fullorðinna. Við hvetjum alla til að lesa sem mest í jólafríinu og minnum á að lestraruppeldi skiptir höfuðmáli fyrir ánægju og notagildi lestrar. Bestu þakkir fyrir gott og gjöfult samstarf á árinu sem er að líða. Það er ómetanlegt að finna fyrir stuðningi skólasamfélagsins og samhug. Starfsfólk skólans á sannarlega skilið hrós fyrir þrautseigju og lausnamiðað starf á árinu. Vonandi færir nýja árið 2022 okkur öllum bjartari tíma! Við hlökkum til að sjá alla nemendur í skólanum að loknu jólaleyfi. Kennsla hefst aftur samkvæmt stundaskrá mánudaginn 3. janúar.

Nemendur í 1.-4.bekk lögðu land undir fót og fór í gönguferð niður á Hótel Varmahlið þar sem við þáðum veitingar af staðarhöldurum.

Skólabókasafni Varmahlíðarskóla barst á dögunum peningagjöf frá Kiwanis klúbbnum Freyju á Sauðárkróki. Gjöfin var nýtt til að kaupa nýútgefnar barnabækur sem ungir lesendur hafa beðið spenntir eftir að fá í hendur. Við sendum Kiwaniskonum kærar þakkir fyrir.

Fimmtudaginn 2.desember síðastliðinn var jólaföndur í skólanum.

Nemendur 4. bekkjar fóru í árlega vettvangsferð í síðustu viku til að fella og sækja jólatré. Þessi hefð er afar notaleg og ævintýri í hvert sinn. Búið var að undirbúa leiðangurinn en svo fór að tréð sem átti upphaflega að sækja fannst ekki aftur, snjókoma næturinnar hafði breytt ásýnd skógarins og þrátt fyrir talsverða leit fannst það ekki. Því þurfti að leita að öðru tré og vakti þetta ansi mikla kátínu. Þegar tréð var fundið hófust nemendur handa við að saga og fella tréð. Vaskir og kraftmiklir krakkar voru nú ekki lengi að því. Þau voru heldur ekki lengi að taka tréð á milli sín og tölta saman syngjandi kát með fenginn niður á skólalóð. Það er orðin hefð, við upphaf aðventu, að allir nemendur og starfsfólk skólans fari út, telji niður og formenn nemendaráðs tendra jólaljósin á trénu við skólann. Á sömu stundu er kveikt á ártali og stjörnu í Reykjarhólnum. Ljósin voru tendruð á föstudaginn var. Allir komu saman úti, dönsuðu dátt og sungu jólasöngva við undirleik Stefáns R. Gíslasonar sem lék á harmonikku. Nemendur fengu síðan jólalegan morgunverð, heitt súkkulaði, ostabrauð, mandarínur og piparkökur. Við hvetjum alla til að staldra við um stund í amstrinu, gleðjast með sínum nánustu og leggja rækt við kærleika. Njótið aðventunnar!