Skólasetning og skólabyrjun

Skólastjóri, umsjónarkennarar og gestir

Í frámuna blíðu var skólinn settur sunnan við skólann sl. miðvikudag.  Nýir nemendur í 1. bekk fengu pennaveski að gjöf og boðnir sérstaklega velkomnir. Helstu breytingar voru kynntar og starfsmenn kynntir til leiks. Þar á eftir gæddu viðstaddir sér á ástarpungum og drykkjum spjölluðu og nutu veðurblíðunnar. Umsjónarkennarar fylgdu nemendum í sínar heimastofur til að skoða aðstæður og gefa kost á spurningum. Ný húsgögn í matsal voru skoðuð og prófuð.