Fréttir

Með Ólympíuhlaupi ÍSÍ er leitast við að hvetja nemendur skólanna til þess að hreyfa sig reglulega og stuðla þannig að betri heilsu og vellíðan. Hlaupið er með sama sniði og geta nemendur valið á milli vegalengdanna 2,5 km, 5 og 10 km. Að hlaupinu loknu fær hver þátttakandi og hver skóli viðurkenningarskjal þar sem greint er frá árangri. Hlaupaleiðir eru eftirfarandi; 2,5 km að Þuríðarlundi og til baka. 5 km að Grófargilsrétt og til baka. 10 km að ruslagámi hjá Skörðugili og til baka yfir Reykjahól. Eftir hlaup fara nemendur í sund og svo er spilað á spil/leikið útivið meðan beðið er eftir skólabílum.

Veðrið hefur leikið við okkur undanfarið og finnst okkur alveg tilvalið að vera mikið úti og njóta náttúrunnar við skólann okkar.

September er mánuður geðheilbrigðar. Okkur langar til að vekja athygli á málefninu með því að klæðast gulu, fimmtudaginn 14. september.

Nemendur í 3. og 4. bekk fóru út í dag og mældu ýmislegt sem leyndist á skólalóðinni, t.d. tré, greinar, hellur, körfubolta, körfuboltastangir og margt fleira. Til mælinganna notuðu nemendur málband og skrifuðu niður á blað hvað var mælt og hversu langt það var.

Nú er búið að skrúbba sundlaugina fyrir veturinn og þar opnar aftur í fyrramálið. Þeir nemendur sem eru með sund í stundaskrá á morgun, fimmtudag 31. ágúst, taki með sér sundfatnað og því sem tilheyrir.

https://www.feykir.is/is/frettir/skolarnir-byrja Tökum undir sem fram kemur í fréttinni - minnum ökumenn á að keyra varlega hjá skólanum en einnig framhjá bæjum því nú bíða nemendur okkar eftir skólabílunum í vegkantinum.

9.-10. b eru farnir af stað í Hildarsel. Heimafólk á Bústöðum bauð þeim til veislu, vöfflur og kakó. Við kunnum heimafólki miklar þakkir fyrir móttökurnar.

Hreyfidagarnir fara afar vel af stað. Kajak, loftboltar, golf og fleira í boði.

Miðvikudaginn 23. ágúst er skólasetning í Varmahlíðarskóla. Nemendur mæta í setustofu kl 9:00. Að setningu lokinni verður léttur morgunverður.